საინტერესო და ემოციებით დატვირთული აღმოჩნდა რელიგიის ისტორიის გაკვეთილი ჩვენს კლასში. 

                                

                                     

                                                           

                                 წუთი-წუთზე,
      წუთი-წუთზე,
          წაბრძანდება ძველი
 და შემოადგამს კარის ზღრუბლზე
  ფეხს ახალი წელი.
   ბედნიერი ყოფილიყოს ის
        წუთი და წამი,
     სიხარული დაჰყოლოდეს,
                 ამინ!
                     ამინ!
                          ამინ!

  აგვივსებდეს სასუნსულო 
   უხვი სასუსნავით,
    გველხინოს და გვეჭიკჭიკოს
        ამინ!
              ამინ!
                     ამინ!

 ქრისტეშობას დაგილოცავთ,
დაესწარით მრავალს,
გიდღეგრძელებთ მამულს, კერას,
გენს და შთამომავალს.
          ათი მცნება იყოს ჩვენი,
           საწყის-დასაბამი
ღვთისმშობელი გვმფარველობდეს
                    ამინ!
                          ამინ!
                                     ამინ!

გილოცავ შობას

გარეთ თოვლია, ნაკვალევს ვერ შლის,
ფიფქების ზღაპარს ჰყვებიან გზები,
შორსა ხარ, მაგრამ ვიცი, რომ გესმის,
ვიცი, შენთანაც შემოდის შობა...






შემინდოს ღმერთმა, ასე რომ ჰგავდი,
სალოცავი რომ იყავი იმ წლის,
და ფანჯარასთან უფალი დგას და,
როგორც შენდობა სანთელი იწვის...


შობის ღამემდე მწამდი და გზოგე,
უცდის სასწაულს გამთბარი ბინა,
ბეთლემთან ახლოს ხმა ესმით მოგვებს -
- ''კურთხეულ იყოს მაღალთა შინა.''

                                                           


                                                            და ხატთან სათქმელს ბავშვივით კარგავს,
                                                             ყველა ტკივილად ქცეული წამი,                                                                                                          მახსოვს გზის ბოლოს ნათქვამი ''კარგად'',
                                                         ვით ლოცვის ბოლოს ნათქვამი ''ამინ.''




















ნეტავი ახლა ხმა იყოს კარზე,
არ მოვითხოვდი ხსნასა და შველას,
შობაა და ვით იმ ღამეს, ცაზე
აღმოსავლეთის ვარსკვლავი ელავს.

შობაა ჩემო და გული ვერ ხსნის,
შობის ცასავით საოცარ გრძნობას,
შორსა ხარ, მაგრამ ვიცი, რომ გესმის,
შობას გილოცავ, გილოცავ შობას!...

ლევან მასწავლებლის                            მიერ ჩატარებულმა არასტანდარტულმა 

                გაკვეთილმა აღფრთოვანებულნი დაგვტოვა.

წელო ახალო
წელო ახალო,
დაგვილოცე ფუძე და ჭერი,
არ მოგვიშალო ამ მიწაზე
ფესვი ძლიერი,
გულში ახალი იმედებით შემოიჭერი,
დალოცე ჯიში ქართული და
აბედნიერე.

ფეხბედნიერი ყოფილიყავ!..
გამოწვდილ თასით
ღვინით კახურით დაგვილოცე
რჯული და რწმენა,
ვერ მოგვრეოდეს მცირეოდენთ მტერი ათასი,
არ მოგვეშალოს თბილ კერასთან
აკვნების რწევა.

გვასმინე კახეთს ვაჟკაცური
"მრავალჟამიერ",
სვანეთის მთებში გაგვაგონე
ამაყი "ლილე",
ხვალის იმედად გაუთენდი
იმერ-ამიერს,
ყველა იარა გულზე ლოცვად
აუყვავილე.

წელო ახალო,
დაგვიზარდე ლეკვები ალგეთს,
არ მოეშალოს ქართველს გულში
მიწის ტკივილი.
დაუფრთიანე არწივს ყველა
დიდგულა მართვე,
ძარღვებში ისევ გაგვაგონე
სისხლის ყივილი.

წელო ახალო,
დაგვილოცე ფუძე და ჭერი,
არ მოგვიშალო ამ მიწაზე
ფესვი ძლიერი,
გულში ახალი იმედებით
შემოიჭერი,
დალოცე ჯიში ქართული და
აბედნიერე. 

ა​მ ახალ წელს,​მეგობრებოო..​,

მინდა გულით,რომ დაგლოცოთ,

სიხარული,სიყვარული,
არ მოგშლოდეთ სულ იხაროთ, 


ვით ზღაპარში,თქვენთან სახლში,
თეთრი რაში ნავარდობდეს,
სურვილები,ოცნებები,
წამდაუწუმ  სრულდებოდეს.







ეს ახალი წელი თქვენთვის,
ბედნიერად შემობრძანდეს,
ღმერთის ლოცვა და კურთხევა, თქვენს ოჯახებს შესწეოდეს,

ლამაზები,ჯანმრთელები,
მუდამ ღიმილ მომდგარები,
ყოფილიყოს თქვენთვის კიდევ ...
-ბევრი მრავალჟამიერი.

თოვლის ბაბუს,როგორც მეკვლეს,
სავსე ხონჩა შემოჰქონდეს,
ეს ბარაქა და სიუხვე 
მთელი წელი გრძელდებოდეს,
არ მოგწყინდეთ ერთმანეთი,
ირგვლივ ყველა სულ ხარობდეს,
მაღლა ციდან სიხარული თქვენს ოჯახებს სულ ათოვდეს!!!

ციკოს თოვლის პაპა

ახლა წლამდე ცოტა დარჩა,

მოადგება აგერ, მთებს.

მუხის ძირას ციყვი ციკო

თოვლის პაპას აკეთებს.

 მოაგროვა სამი გუნდა,

არ დასჭირდა წვალება.

ორ ცალ კერკეტ კაკალს უდებს

თოვლის პაპას თვალებად.

ტანზე კოხტად ჩაურიგა

ყავისფერი ღილები.

განა მართლა ღილებია –

გაკროლილი თხილები.

სტაფილო აქვს ცხვირის ნაცვლად –

ციკო მართლა არ ხუმრობს.

მხოლოდ ქუდი ვერ იშოვა,

თავზე რომ დაახუროს.

 ფუღუროსკენ გაეშურა,

იქნებ, რამე მოძებნოს...

თოვლის პაპა მარტო დარჩა

და თავისთვის ოცნებობს:                                 “მალე ქუდსაც დავიხურავ,               

   ხელში ჯოხსაც დავიჭერ. 

   სულ პირველი მე გავიგებ 

    ახალი წლის ნაბიჯებს!..”

                                                                                        უცებ, მართლა ნაბიჯების 

          ხმა მოისმა შორიდან.                 გაუკვირდა თოვლის პაპას – 

              ნუთუ, უკვე მოვიდა?

                                                                                                           მაგრამ, არა, ახალი წლის

                                                                                                                  ნაბიჯები როდია,

         

                                                                                                                   ეს კურდღელი ამბაკო და

                         
                                                                               თაგვი თენგო მოდიან.

                                                                                                      დაინახეს თოვლის პაპა...

                                                                                                        რა გგონიათ, რა მოხდა?

                                                                                                     ცოტა ხანში, როცა ციკო

                                                                                                       ხიდან დაბლა ჩამოხტა,

                                                                                                       იქ რაც დახვდა,                                                                                                                         დამშვიდებით

                                                                                                        აბა, როგორ უცქიროს –

                                                                                                        თოვლის პაპა უღილებოდ,

                                                                                                     უთვალებოდ, უცხვიროდ!

სიყვარული, ბარაქა და 

უსასრულო ბედნიერება ✫2014✫

.•°*”˜░░░░▄█████▄                            
░░▄▇█████████▇▄                        
░▄█▉▀╭▀▀▀▀▀▀▀▀▀╮      
╭▀╮░╰┬─▄───▄─┬╯                      
╰   ╯░▄┴┐╭─└┘─╮├┐            
░░░▄█▌└┘ ╰──╯└┘▐▄                    
░░█▉▉▄░░░░░░░░░█▉    
░░█▉▉▉░░░░░░░▉█▉
░█▉▉▉▉▉░░▉▉▉█▉

   გილოცავთ შობა --ახალ-წელს!!!





ციდან მოისმის გალობა, ანგელოზები გფარავდეს!
მოგეცეს ღვთისგან წყალობა, ღვთის სიყვარული გძალავდეს!
მთაზე აღმართულ ტაძარში ანთია წმინდა სანთლები,
თეთრი საკმევლის ნისლშია მირონმდინარე ხატები,
ქართველთა ლოცვა ცას სწვდება, ლომისზე სუფევს ნათელი,
მთის ძლიერ ქარშიც არ ქრება ხატს შეწირული სანთელი
გიხაროდენ , რამეთუ დღეს ბეთლემში მაცხოვარი იშვა
გიხაროდენ , რამეთუ სიკვდილზე სიცოცხლემ იზეიმა
გიხაროდენ, რამეთუ ახალი ცხოვრება გვეახლა
გიხაროდენ , რამეთუ სიყვარულმა იზეიმა
გიხაროდენ, რამეთუ თვქნეს გულებშიც შობილიყოს მაცხოვარი
გიხაროდენ, რამეთუ ღმერთმა მოწყალება მოიღო და თვისი ძე მოგვივლინა .
გიხაროდენ, რამეთუ სიყვარული იშვა
გიხაროდენ, რამეთუ ძველი დრო გაჩერდა და დედამიწამ ახალი სუნთქვა დაიწყო
გიხაროდენ, რამეთუ ცაზე ახალი ვარსკვლავი გამოჩნდა.
გიხაროდეთ ადამიანნო რამეთუ დღეს ჩვენი მხსნელი მოევლინა ქვეყნად , რომელსაც შვენის დიდება და პატივისცემა თანა მამით და სულიწმინდითურთ აწდამარადის და უკუნითი უკუნისამდე ამინ!

შობის ღამეა

ამ დღეს ბავშვივით ველი და ვღელავ,
იმედის ნერგი ცოცხლდება ჩემშიც,
შობის ღამეა, ვარსკვლავი ყველა
სოფლის გომურებს უჭირავთ ხელში ... 

დააქვს ბალთაზარს მხრებით ოცნება,
გადმოსავლელი ზღვა და მთებია,
ისე შეიკრეს სუნთქვა ბოსლებმაც,
თითქოს სასწაულს ელოდებიან...

სხვანაირია მწყემსების ზეცაც,
ლოდინისაგან გზაც კი მოკლდება,
არ შეგეშინდეთ, დღეს ყველა დედას,
მუცელში ჩვილი გაუტოკდება...

ამ დღეს ბავშვივით ველი და ვღელავ,
იმედის ნერგი ცოცხლდება ჩემშიც,
შობის ღამეა, ვარსკვლავი ყველა
სოფლის გომურებს უჭირავთ ხელში..

 

დიდი მადლობა ლევან კიდევ ერთი ბედნიერი დღისთვის!
მრავალ შობა-ახალ წელს დაესწარით,იხარეთ და იბედნიერეთ!   




  

                                 

                                                           გისურვებთ, ასეთი სისწრაფით აგსრულებოდეთ 

თქვენი სანუკვარი ოცნებები 2014 წელს!